Duro: I bindur se do marrim maksimumin, respektojmë çdo kundërshtar

0

Klodian Duro është gati për rikthimin e tij në Superiore. Trajneri i Kamzës ka folur para ndeshjes me Kastriotin. Ish-lojtari i Kombëtares Shqiptare është besimplotë se ekipi i tij do të bëjë mirë në përballjen e nesërme. Në konferencën për shtyp, numri 1 i stolit të Kamzës  fillimisht u shpreh: “Duhet të jemi gati për këtë sfidë dhe do të shpalosim më të mirën tonë. Jam shumë i qetë se ekipi do të marrë maksimumin. Për ne pak rëndësi ka kë do kemi përballë, e rëndësishme është që të tregojmë atë çfarë dimë të bëjmë. Ne respektojmë çdo kundërshtar”.

40-vjeccari më pas komentoi situatën në skuadër. Duro tregoi se ishte mjaft i kënaqur me atë që kishte gjetur tek klubi nga periferia e kryeqytetit: “Unë kam gjetur një ekip të mirëorganizuar, të plotë, si në klub dhe në organikën. Jam shumë i kënaqur me gjithçka që kam gjetur këtu. Jam i kënaqur nga impenjimi për të dhënë më të mirën dhe për të shprehur çdo gjë. Edhe ndeshja e Kupës tregoi se ne vazhdojmë me këtë seriozitet. Ne do të jemi serioz në çdo ndeshje pavarësisht nëse se në çfarë kompeticionin”.

Më pas, ish-trajneri i Kukësit ka folur dhe për mungesën e golave nga sulmuesit, kjo për faktin e ekipi i tij ka realizuar vetëm 1 gol në tre ndeshjet e para: “Çështja e golit është çështje kohe. Të gjithë sportistët do të dalin para porte dhe do të shënojnë deri në fund të ndeshjes”.

MARTINENA

Përkrah trajnerit Duro ishte dhe sulmuesi nestor Martinena, i cili po ashtu beson se skuadra e tij do të bëjë mirë dhe se presioni është në anën e kundërshtarit, Sa i përket mungesës së golit. Ish-lojtari i Dinamos shpreson që të realizojë që në këtë sfidë.

”Nuk e ndjejmë presionin. Kundërshtari ka presion. Ne duam tre pikët por nuk kemi ngarkesë psikologjike. E mendoj golin tim të parë. Dua të shënoj këtë ndeshje. Nuk kam objektiv në këtë ndeshke, dëshirojmë që të arrijmë Europën. Do të shohim ndeshje pa ndeshje.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.