Dramë madrilene, Reali eliminohet turpshëm nga kupa dhe prek fundin

0

Turp! Vetëm kështu mund të cilësohet ajo që po i ndodh Madridit, të paktën kështu mendojnë tifozët e Realit, që deri para pak kohësh numëronin trofetë dhe rekordet, ndërsa tashmë jo vetëm që u duhet të urojnë që në janar Barcelonën për titullin, por gjithashtu shohin Los Blancos të eliminohen bujshëm nga kupa.

Nuk i eliminoi Barça, do ishte nder, por ia doli Leganesi, një ekip modest nga periferia e Madridit. Fitoi 1-0 Reali në Leganes dhe mendoi se mori fund, por sot ndodhi çmenduria, me Leganesin që fitoi 2-1 në Bernabeu.

Me 3 humbje në 5 ndeshjet e fundit shtëpiake dhe 19 pikë distancë nga Barcelona, Zinedin Zidan është në pikën e vet më të ulët, por edhe Reali është kthyer në një errërisë që nuk e mbante mend kur ka ndodhur për herë të fundit.

Eraso e Gabriel, me nga një gol në çdo pjesë, shkruan historinë e Leganesit, që nuk kishte shënuar kurrë në Madrid, ndërsa Benzema shënoi një gol që rezultoi pa vlerë.

Zidan la shumë titullarë jashtë dhe e pagoi shtrenjtë, tashmë rrezikon ta mbyllë turpshëm.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image