Dortmundi nuk ndalet, blen për 20 milionë euro shokun e Abrashit

0

Një ditë më parë Borusia e Dortmundit zyrtarizoi kontratën me trajnerin Peter Bos, i cili ka lënë Ajaksin për të shkuar në Bundesligë.

Sot k ardhur zyrtarizimi i radhës nga Dortmundi, që ka blerë mesfushorin Maksimilian Filip nga Frajburgu, për 20 milionë euro, një operacion madhështor për Frajburgun, që e mori falas në fillim të vitit 2013 nga Energi Kotbusi dhe e transformoi në fenomen.

23-vjeçari do të jetë pjesë e Gjermanisë në Europianin e 21-vjeçarëve që nis pas pak ditësh, ndërsa tashmë hedh hapin e madh në karrierë, duke firmosur për 5 vjet.

Në sezonin e fundit Filip luajti 25 ndeshje në kampionat, duke shënuar 9 gola, ndërkohë që alternohej në disa pozicione, si mesfushor krahu apo sulmues, krah e qendër.

Shoku i skuadrës së Amir Abrashit ka folur pas firmave: “Borusia është një ndër klubet më të mëdhenj në botë, është një nder për mua që do të kem mundësinë të luaj këtu. Mendoj se në moshën 23-vjeçare jam i pjekur dhe në momentin perfekt për të hedhur këtë hap në karrierën time. Tani dua të zhvillohem edhe më shumë te Dortmundi”.

Është një verë e nxehtë për Dortmundin, që përveç trajnerit dhe mesfushorit të zyrtarizuar sot, ka mbyllur më herët edhe afrimin e qendërmbrojtësit adoleshent Dan-Aksel Zagadou me parametër zero nga PSG.

Gjithashtu, prej javësh janë zyrtarizuar blerjet e qendërmbrojtësit Omer Toprak nga Leverkuzeni dhe mesfushorit Mahmud Dahud nga Borusia Mënçengladbah.

“Jemi të ngazëllyer që arritëm të blinim një lojtar si Maksimilian Filip, i kërkuar brenda e jashtë Gjermanisë. Ai ka një të ardhme të shkëlqyer përpara”, deklaroi sot drejtori sportiv Mikael Cork.

SHPËRNDAJE

PËRGJIGJU

Please enter your comment!
Please enter your name here