Vllaznia dhe Bylis vazhdojnë marshimin, çfarë përmbysje e Tomorit!

0

Vllaznia nuk ka hasur probleme në ndeshjen shtëpiake përballë Shënkollit. Kuqeblutë fituan pastër me rezultatin 3-0. Olsi Gocaj kaloi vendasit në avantazh në mesin e pjesës së parë, ndërsa shkodranët shënuan dhe dy herë në pjesën e dytë. Braziliani Zhunior dyfishoi shifrat me anë të një eurogol, ndërsa Renato Malota vulosi fitoren në minutën e 63-të. Ky trepikësh e ngjit Vllazninë në kuotën e 38 pikëve dhe diferenca me Erzenin ndjekës është 7 pikë.

Pogradeci ka rezistuar vetëm në pjesën e parë, ndërsa në të dytën Bylisi ka shënuar dy herë për të siguruar fitoren. Trepikësh i rëndësishëm për ekipin ballshiot, që ngjitet në kuotën e 36 pikëve dhe diferenca me Besën ndjekëse është rikthyer 4 pikë.

Murataj dhe Guindo shënuan dy herë brenda katër minutave dhe Bylisi vazhdon marshimin drejt rikthimit në Superiore.

Në ndeshjet e tjera Besëlidhja fitoi 1-0 në shtëpi kundër Vorës së vendit të fundit, ndërsa Dinamo mposhti Ilirinë 2-0. Emocione dhe gola në Berat, aty ku Tomori vendas fitoi 3-2 përballë Apolonisë me dy golat e shënuar në minutat e fundit.

KATEGORIA E PARË – Java 16

GRUPI A
Datë 10 shkurt 2019

Vllaznia-Shënkolli       3-0
Shënues: Gocaj 23′, Zhunior 47′, Malota 63′
Besëlidhja-Vora          1-0
Shënues: Tourad (pen) 80′
Dinamo-Iliria               2-0
Shënues: Çeliku 31′, Vrapi 52′

GRUPI B
Datë 10 shkurt 2019

Tomori-Apolonia         3-2
Shënues: Paja 66′, 89 (pen), Sharavolli 90+2′  / Lazar 1′, Hysenshaji 81′,
Pogradeci-Bylis            0-2
Shënues: Murataj 59′, Guindo 63′

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.