Dështim total në Shqipëri, Juliano justifikohet: Atje luanin baste!

E pabesueshme: Mark Juliano zbulon se në Shqipëri lejohet të luash baste dhe kjo e vendosi në vështirësi. Ish-trajneri i Partizanit, i cili dështoi totalisht në eksperiencën shqiptare, duke sjellë edhe lojtarë të mbaruar, që nuk u përshtatën dot, tashmë e largon fajin nga vetja dhe lëshon një akuzë të rëndë për gjithë futbollin shqiptar dhe për Partizanin së pari, që duhet të reagojë urgjentisht.

I intervistuar nga Gazzetta dello Sport, Juliano flet edhe për Shqipërinë dhe fjalët e tij janë të pabesueshme: “Kur më erdhi ofertë nga Shqipëria nuk isha fort i bindur, kisha dyshime, ndërsa gjatë punës atje e kuptova se ndjesitë e mia ishin të drejta. Për fat të keq, në Shqipëri lojtarët, drejtuesit dhe presidentët lejohen të vendosin baste. Kjo gjë më ka vënë shpesh në vështirësi, sepse ishte një ambient i kushtëzuar dhe nuk mund të punohej qetësisht. Tepër ndeshje, sipas meje, kanë pasur përfundime të dyshimta. Më pas kam refuzuar shumë oferta nga Seria B dhe C. Tani dua të përgatiten për t’u kthyer që të jap maksimumin”.

 

2 thoughts on “Dështim total në Shqipëri, Juliano justifikohet: Atje luanin baste!

  1. Po pse si thua ti Sp.ekspres nuk ka te drejte. Po kjo eshte vertete. Qe futbollistet shkojne ne dyqane llotosh po ashtu dhe Presidentet. A nuk i investigoi ai lojtsret dhe i gjeti ne per kafene llotosh.
    Pra ai po e ndihmon futollin ne shqiperi qe ju si medie duhet te investigoni .
    Sepse nuk ka nje ligj qe e ndalon lojtarin ne dyqnene llotosh. Po mos u shqetesoni per parate e presidenteve po luftojeni kete fenomen.
    U be gjitha ajo asamble dhe kandidate thane qe ka probleme por u moren vetem me Duken dhe nuk u interesuan per bastet per lojtare te pa pergjegjshe qe shesin ndeshje ne mes te dites.
    Sport ek. merru me fenomenin dhe mos u merr vetem me Partizani me qe Juliano ishte trajner i tyre.sepse ai nuk e specifikon e tha ne numerin sh
    Mes “lojtaret Presidentet”
    Ajde se do te degjosh

    1. Nuk ndryshojme asgje nga ato qe thua, por kur del Juliano dhe thote: IKA SE ATY LUAJNE BASTE DHE NUK PUNOJA DOT, nuk na e mbush dot mendjen. Sepse ai deshtoi sportivisht, kete duhet ta pranoje si burrat, jo justifikime. te ishte burre, dilte ketu, ne mes te Tiranes e thoshte: KETU LUAJNE BASTE TE GJITHE, UNE IKI

Leave a Reply

Your email address will not be published. Required fields are marked *