De Bur: Dua vetëm tri pike

0

Trajneri i Interit më i qartë se asnjëherë përpara takimit në Pragë kundër Spartës. Kërkon maksimumin. Brozoviç mbetet në Milano pasi pritet të jetë gati ndaj Romës në fundjavë në kampionat

Trajneri i Interit, Frank de Bur është i qartë në mendjen e tij se çfarë kërkon nga skuadra në takimin e dytë në grup në Ligën e Evropës përballë Spartës së Pragës në Çeki. Për zikaltërit dhe trajnerin holandez vlen vetëm fitorja, pasi siç ka deklaruar ai në konferencën për shtyp objektivi i Interit në këtë kompeticion është fitimi i tij. “Në Pragë jemi me një mision të vetëm, të fitojmë, sepse ne duam t’i shkojmë deri në fund Ligës së Evropës”- ka thënë trajneri holandez. Interi vjen në takimin e dytë në grupin K me zero pikë pas humbjes së papritur në ndeshjen e parë përballë Hapoel Ber Shevës në “San Siro” 0-2. “Kam parashikuar të bëj ndonjë ndryshim, sepse tri ndeshje në 7 ditë janë shumë. Por kjo nuk do të thotë se në fushë do të jetë një Inter më pak i fortë. E di se deri më tani golat i kanë shënuar vetëm Ikardi e Perisiç, por kjo nuk më shqetëson sepse dhe të tjerët do ta bëjnë një gjë të tillë”.

Sport Ekspres

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image