Çmenduria e tifozit anglez, pushtim fushe për një bast

Quhet Xhejk Piçi, është një tifoz i çmendur i Anglisë dhe mbi të gjitha një “i krisur” i cili për një bast pushtoi fushën mbrëmë, në sfidën Maltë-Angli.

Gjithçka nisi për gallatë në Twitter, sepse Xhejk ishte në stadium dhe shkroi: “Nëse më bëni 400 Retweet (shpërndarje të postimit tim), do të futem në fushë gjatë Maltë-Angli”.

Si mund ta humbnin këtë spektakël shokët e tij, por edhe njerëz që nuk e njihnin fare? Numri 400 u arrit me shpejtësi dhe në minutën e 69-të Xhejk, me një sprint spektakolar, u fut në fushë dhe takoi një lojtar, dhuroi spektakël derisa u dorëzua vetë te policia.

Çmenduri tipike angleze, por që i ka kushtuar 200 euro gjobë, një natë në burg, një vit ndalim hyrjeje në Maltë dhe ndoshta përjashtim përjetë nga stadiumet.

Leave a Reply

Your email address will not be published. Required fields are marked *