Cikalleshi i pafat, dëmtim kundër Bashakshehirit

0

Sulmuesi i kombëtares sonë Sokol Cikalleshi është kthyer sot në Stamboll, për t’u ndeshur me ish-klubin e tij Istanbul Bashakshehir.

Një ndeshje e veçantë për Cikalleshin, edhe për faktin se është ende në pronësi të Bashakshehirit, por është i huazuar te Akhisari.

Sulmuesi kuqezi e nisi nga stoli, duke qenë titullar në kampionat, por u fut në minutën e 62-të, kur Bashakshehiri kryesonte 1-0.

Vetëm 9 minuta zgjati ndeshja e Cikalleshit, i cili në të 71-tën doli për një dëmtim, shkalla e të cilit do të mësohet më vonë.

Gjithsesi, Akhisari barazoi në minutën e 78-të me sulmuesin Vaz Te, duke marrë një rezultat shumë pozitiv para kthimit në Akhisar, ku do të tentojë kualifikimin për në gjysmëfinale.

You might also like

Leave A Reply

Your email address will not be published.