Noruiçi e sikletos, Çelsi kalon nga lotaria e penalltive

0

Kampionët e Anglisë kanë fituar 5-3 kundër Noruiçit pas gjuajtjeve të penalltive teksa koha e rregullt dhe shtesa u mbyllën 1-1

Çelsi është skuadra e fundit e kualifikuar për në 1/16 e finaleve në Kupën FA, pasi ka mundur Noruiçin 5-3 pas gjuajtjeve të penalltive teksa koha e rregullt dhe shtesa ishin mbyllur 1-1. Pas barazimit zhgënjyes në Noruiç 0-0, Çelsi u detyrua në një ndeshje shtesë, këtë herë në fushën e vet dhe londinezët nuk kanë zhgënjyer, ndonëse kanë vuajtur jo pak. Ndonëse nuk kanë zhvilluar takimin e tyre më të mirë, finalistët e sezonit të kaluar kanë siguruar kualifikimin për më tej.

Miçi Batshuai, titullar në takimin e sotëm, ka shënuar 10 minuta nga fillimi i pjesës së dytë, duke kaluar përpara Çelsin. Por kur po mendohej se gjithçka do të mbyllej 1-0, në frymën e fundit Xhamal Luis ka barazuar për Noruiçin, duke e çuar takimin në shtesë.

Edhe në shtesë nuk ka gola, por plot dramë teksa Pedro e Morata ndëshkohen me karton të kuq për ekipin e Kontes. Për të mësuar ekipin e kualifikuar duhen pritur penalltitë, aty ku Çelsi nuk gabon asnjë. Kështu Çelsi mbetet ende në garë dhe në turin tjetër do të përballet me Njukasëllin.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image