Lorik Cana do të ketë shumë shpejt filmin e tij. Vetë ish-kapiteni legjendar i Kombëtares së Shqipërisë e ka njoftuar se ai pret në fund të këtij viti që filmi të shfaqet për herë të parë.
Cana nuk zbulon shumë detaje, megjithatë dihet tashmë se filmi ka si regjisor gazetarin sportiv të “Supersport”, Andi Deçkën. Dokumentari do të zgjasë diku tek një orë e gjysmë dhe në brendësi do të ketë jetën e kapitenit të ish-kapitenit të Kombëtares.
“Është një projekt që është bërë nga një gazetar-regjisor që ka punuar me vite si gazetar sportiv dhe ka menduar që të bëjë një dokumentar rreth jetës time. Do të jetë rreth 1 orë e 30 minuta transmetim dhe shpresojmë që në fund të vitit të dalë premiera e filmit. Titulli do të jetë thjeshtë ‘Lorik’”, u shpreh Cana.