Marash Kumbulla ka qenë një nga surprizat më të bukura në Seria A. Madje diskutimi ka shkuar aqsa mbrojtësi shqiptar të krahasohet me De Ligt.
Por nga doli ky futbollist i një niveli të tillë dhe vetëm 19-vjeç? Verona e kishte prej kohësh tek të rinjtë, por zgjodhi momentin e duhur për t’i besuar. Në një intervistë për mediat në Itali, ka folur edhe legjenda e Shqipërisë. Bëhet fjalë për Erjon Bogdanin që nuk mund të lërë pa kometuar Veronën e këtij sezoni.
“Kumbullën e shihni se çfarë të ardhme që ka. I ka djegur të gjitha etapat. Meritat i takojnë edhe trajnerit Juric që i besoi nga dita e parë. Verona më pëlqen në tërësi. Përveç Kumbullës dhe Rrahmanit, janë Veloso dhe Amrabat si forca e ekipit. E ka zemrën për të shpëtuar”, ka thënë Bogdani. /Sport Ekspres/