Benfika nuk heq dorë nga ylli i saj, refuzon 70 milionë euro nga Premier Liga

Cilësohet si një nga talentët më të mëdhenj të futbollit portugez dhe Benfika është me fat që ka një lojtar të tillë në dispozicion. Flasim për Zhoao Feliks, 19-vjeçarin që aktivizohet në sulm dhe bën mirë dhe rolin e sulmuesit të dytë.

Ofertat për të janë të shumta, por Benfika nuk ka ndërmend të heqë dorë nga shërbimet e tij. Liverpuli është ndër klubet më të interesuara për të, ndërsa Klop ka ofruar 70 milionë euro për kartonin e Feliks.

Zhoao Feliks

Lajmi zbulohet nga portugezja “Correio De Manha”, ndërsa “Shqiponja e Lisbonës” kanë refuzuar milionat e shumtë. Feliks ka shënuar 5 gola në këtë sezon me Benfikën, ndërsa numëron dhe 4 gola të shënuar me Portugalinë U21.

Klop e pëlqen shumë lojtarin luzitan, ndërsa tashmë nevojitet një tjetër ofertë për të bindur klubin portugez të heqë dorë nga shërbimet e lojtarit të talentuar.

 

 

Leave a Reply

Your email address will not be published. Required fields are marked *