Flamurtari mundi Kukësin fundjavën e shkuar në Kamzë, duke bindur me një lojë dominuese ndaj verilindorëve. Pas asaj sfide pritshmëritë ishin të mëdha për kuqezinjtë, por në ndeshjen me Luftëtarin në shtëpi i zhgënjyer mbështetësit e tyre me një lojë shumë larg asaj që kishin zhvilluar pak ditë më parë.
Edhe trajneri Daja e pranoi se skuadra e tij nuk bëri mirë në këtë përballje, por nuk kishte si të mos reagonte dhe administratori Sinan Idrizi, i cili teksa zbriste shkallët e stadiumit në korridoret nuk e kurseu dhe një batutë, teksa u shpreh: “Ky Flamurtar kështu është bën dy hapa para dhe një hap pas. Tani është radha për të fituar në Koracë me sa duket”.
Ndeshja e radhës për Flamurtarin është ndeshja me kamionët në fuqi. Nëse është teoria e Idrizit, të gjithë duhet të presin në stadiumin “Skënderbeut” një tjetër flamurtar që pamë në mesjavë. Ku i dihet, mbetet për t’u parë nëse konkluzioni i administratorit Idrizi është i saktë.