Basketboll, përcaktohen finalistët e kupës

0

Të premten janë zhvilluar në Tiranë gjysmëfinalet e Kupës së Shqipërisë në basketboll për meshkuj e femra.

Te meshkujt Teuta dhe Goga Basket janë dy ekipet finaliste, që në “Feti Borova” triumfuan ndaj ekipeve të Tiranës. Teuta mposhti Partizanin 75-72, ndërsa Goga Basket mposhti Tiranën 96-81.

Finalja luhet të shtunën, ora 19:00, në Tiranë.

FEMRAT – Asnjë surprizë në gjysmëfinalen e femrave mes Vllaznisë e Flamurtarit, me vlonjatet që triumfuan 94-68, duke dominuar gjatë gjithë ndeshjes.

Ndërkaq, derbi tiranas u fitua nga Sh.B.Tirana 76-72, ndaj Sh.K.B.Tirana. Një surprizë, sepse skuadra e trajneres Mirza Alibegaj nuk kishte fituar ende këtë sezon ndaj kryesueseve të kampionatit.

Finalja zhvillohet të shtunën, në “Feti Borova”, prej orës 16:00.

Kupa e Shqiperisë – Gjysmëfinale

MESHKUJ

Teuta – Partizani                              75-72

Tirana – Goga Basket                      81-96

FEMRA

Sh.K.B.Tirana – Sh.B.Tirana           72-76

Vllaznia – Flamurtari                       68-94

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.