Basketboll meshkuj/ Teuta në histori, Superkupa shkon në Durrës

0

Teuta është për herë të parë fituese e Superkupës së Shqipërisë, ndërsa ka mundur Tiranën me vetëm një pikë diferencë, 78-77. Një faull ndaj Shimës, që gjyqtarët nuk e dhanë në fund të lojës, është kthyer në nervozizëm nga ky i fundit, i cili nuk ka kursyer asgjë ndaj gjyqtarëve dhe drejtuesve të Federatës Shqiptare të Basketbollit, ndonëse të gjithë në kampin bardheblu janë munduar ta qetësojnë. Spao ka rënë vërshëllima e fundit e gjyqtarëve, durrsakët janë të gjithë në parket, ndërsa kanë festuar këtë trofe të rëndësishëm. Vetëm me qendër zëri janë larguar, ndërsa më pas është dorëzuar dhe trofeu nga presidenti i Federatës Shqiptare të Basketbollit, Avni Ponari, për kapitenin Gorea. Në përgjithësi Teuta ka luajtur mirë, teksa ka fituar periodën e parë 18-13. Kontrollojnë gjithçka durrsakët, që fitojnë periodën e dytë 19-16 dhe në pushim kanë kryesuar 37-29. Kulmi i Tiranës është perioda e tretë, që e fitojnë 26-19 dhe kanë ngushtuar në 56-55. E barabartë perioda e katërt, 22-22, dhe përfundimisht 78-77 për Teutën.

Teuta – Tirana 78-77

(18-13, 19-16, 19:26, 22:22)

Teuta: Everet, Hoxha, Gorea, Çela, Uruçi, Miranoviç, Kops.

Trajner: B.Niniç

Tirana: Strazimiri, Vogli, Abdul-Basit, Karaj, Lasku, Gjyzeli, Hysenagolli, Shima, Hasani, Strovbrixh

Trajner: A.Doukas

Gjyqtarë: E. Hoxhaj (Vlorë), A. Bejko, E. Tiko (Tiranë)

Trajneri i Tiranës

Doukas: Teuta luajti mirë, por është turp për këta arbitra

Antonios Doukas, trajneri i Tiranës, e ka quajtur turp gjykimin e djeshëm të Hoxhajt, Bejkos dhe Tikos. “Unë duhet ta uroj Teutën për ndeshjen e mirë që bëri – thotë Doukas për RTSH Sport – por këta gjyqtarë janë një turp i vërtetë dhe ju e patë se çfarë u bë. Megjithatë ecim përpara dhe jemi për titull kampion”

Kapiteni i Teutës

Gorea: Kënaqësi që arritëm trofeun

Kristi Gorea, kapiteni i Teutës, ka shpjeguar se ishte kënaqësi një trofe për Durrësin. “Jemi të kënaqur – thotë Gorea për RTSH Sport – që pas 60 vitesh kemi kthyer një trofe në Durrës. Kishte nevojë ky qytet për këtë trofe, por tanimë do të mendojmë dhe për titullin kampion”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.