Lionel Mesi, Luis Suarez dhe Paulinjo shënuan sot, në fitoren e lehtë 3-0 që Barcelona arriti ndaj Levantes në Camp Nou, duke ruajtur distancën nga Atletiko Madridi ndjekës.
Katalanët e kanë nisur në mënyrë perfekte vitin e ri, duke ruajtur ecurinë rekord, ndërkohë që nesër prezantohet edhe Filipe Kutinjo.
Usman Dembele, një ndër blerjet më të shtrenjta në historinë e Barcelonës, u kthye në formacion pas një mungese disamujore për dëmtim, ndërsa Mesi bëri detyrën dhe tashmë ka barazuar Gerd Mylerin si lojtari me më shumë gola në 5 kampionët më të rëndësishëm në Europë, me 365 gola në ndeshjen e 400-të në La Liga.
? Leo #Messi in @LaLiga ?
? 400 games
? 365 goals
? 144 assists??????? #ForçaBarça pic.twitter.com/WoPV51UsxQ
— FC Barcelona (@FCBarcelona) January 7, 2018
Festë edhe për Suarez, i cili shënoi golin numër 132 për Barcelonën, duke kaluar Samuel Etonë dhe duke u bërë shënuesi i shtatë më i mirë në historinë e klubit.
? With that strike @LuisSuarez9 moves past @setoo9 to go 7th on the all time scoring list at FC Barcelona with 132 goals ??? #ForçaBarça pic.twitter.com/wzB85K3hmz
— FC Barcelona (@FCBarcelona) January 7, 2018
Në fund, Iniesta ka pasur një ditë të veçantë gjithashtu, sepse luajti ndeshjen numër 650 për Barcelonën.