Barça nis punën, 5 superblerje për sezonin e ardhshëm

0

Kampionati nuk ka përfunduar ende dhe duhet luajtur edhe finalja e Kupës së Mbretit, por te Barcelona mendojnë për sezonin e ardhshëm dhe drejtuesit po punojnë për trajnerin e ri dhe për kompletimin e skuadrës, që këtë sezon u pa qartë se ka defekte e boshllëqe, me stolin që është shumë i varfër.

Mundo Deportivo, gazetë mjaft e afërt me Barcelonën, zbulon se kupola drejtuese e klubit katallan është mbledhur për të diskutuar për këto çështje dhe duket se trajneri i preferuar për sezonin e ardhshëm është Ernesto Valverde, trajneri i Atletik Bilbaos.

Ndërkohë, po punohet për lojtarët që synohen në treg, sepse nuk mund të pritet deri në verë, duke parë rivalitetin e madh sidomos nga klubet angleze, që kanë një fuqi ekonomike të frikshme.

Duhet një blerje e rëndësishme për të marrë vendin e veteranit Andrés Iniesta, i cili nuk mund të përballojë më 50-60 ndeshje në sezon, por duhet patjetër edhe një mbrojtës i djathtë i nivelit të lartë, për të lejuar Sergi Roberton të kthehet në mesfushë.

Bejerin – vetëm 22 vjeç, mbrojtësi spanjoll i rritur në Barcelonë ka shkëlqyer tek Arsenali, ku ka spikatur për aftësitë teknike e fizike, si dhe për ndihmën e madhe që jep në fazën sulmuese. Arsenali këtë verë mund të bëjë ndryshime të mëdha, duke nisur nga trajneri, ndërsa Bejerin kërkon të fitojë trofe dhe kthimi te Barcelona e josh.

Image result for Bellerin arsenal

Theo Hernández – është 19 vjeç, ka zhvilluar një sezon të madh tek Alavesh, por mbrojtësi i majtë i përket Atletiko Madridit. Përveç Barcelonës, e duan edhe klube të tjerë shumë të rëndësishëm dhe klauzola e prishjes së kontratës është 24 milionë euro. Duket shumë, ndaj Barcelona heziton, edhe për faktin se Theo Hernández dëshiron të transferohet në Katalonjë.

Image result for Theo Hernández

Verratti – Është ëndrra e Barcelonës për të zëvendësuar në të ardhmen Iniestën, por natyrisht i përket PSG-së, klub që nuk ka ndonjë problem financiar dhe nuk shet lehtësisht. Është një operacion shumë i ndërlikuar, por Barça ka ndërmend të bëjë një sforcim ekonomik shumë të madh, aq më shumë që ka edhe pëlqimin e mesfushorit italian, i lodhur në Francë.

Image result for Verratti psg

Kutinjo – Duhet një emër nga ata që ngjallin entuziazëm te tifozët dhe që pasurojnë ndjeshëm skuadrën në aspektin e cilësisë. Më mirë se Filipe Kutinjo nuk ka në qarkullim, sepse 24-vjeçari brazilian duket se është gati për hapin e madh, pas një sezoni perfekt në Liverpul. Megjithatë, si në rastin e Verratit, kostoja e tij është e frikshme dhe kontrata e tij skadon më 2022.

Image result for Coutinho

Deulofeu – Përforcimi i parë i Barcelonës duhet të jetë Zherard Deulofeu, sulmuesi i cili është paraqitur mjaft mirë te Milani këtë vit dhe është në pronësi të Evertonit, por Barça ka të drejtën e blerjes përfundimtare për 12 milionë euro. Deulofeu shpreson të marrë një telefonatë nga Barcelona, por nga ana tjetër ka frikën e të ulurit në stol në çdo ndeshje, si Pako Alkaser këtë sezon.

Image result for Deulofeu Milan

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image