Barça humbet një pikë kyçe, mesfushori drejt SHBA-së

0

Serxhi Busekts është një ndër lojtarët ikonë të Barcelonës aktuale, me mesfushorin që është me klubin katalas që prej vitit 2005. Plot 14 vite në këtë klub për spanjollin, i cili duket se ka nisur të mendojë për një largim tashmë.

Në moshën 30-vjeçare, Buskets vijon të jetë pika kyçe e mesfushës së Barcelonës, por ardhja e Frenki De Jong sezonin e ardhshëm, si dhe rritja e brazilianit Artur, e bëjnë Buskets ta rimendojë pozicionin e tij.

Ai deklaron se nuk do që të jetë sekondar në ekip dhe se kur ta ndjejë që nuk mundet më, do të largohet. Gjithashtu, Buskets dha shenja edhe për destinacionin e ardhshëm, që me sa duket do të jetë SHBA.

“E kam thënë gjithmonë që nuk dua të kem një rol sekondar te Barcelona. Kur ta ndjej që ambicia ime po shuhet dhe nuk jam i aftë më, do të largohem duke ditur që dhashë gjithçka për këtë klub. Të ardhmen nuk mund ta parashikosh por më pëlqen shumë SHBA dhe futbolli atje po rritet shumë.”

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.