Balde zikaltër, mësohen edhe shifrat e transferimit

0

Inter është afër zyrtarizimit të një tjetër afrimi. Keita Balde nuk është grumbulluar nga tekniku i Monakos për ndeshjen hapëse të kampionatit francez dhe lojtari është pranë kalimit në Milano.

Siç citon “Sky Sport”, klubet kanë arritur akordin dhe nuk është më e nevojshme përfshirja e Kandrevës në tratativë. Italiani ka rezistuar deri më tani, duke refuzuar kalimin në principatë.

Zikaltrit do të paguajnë një shumë prej 5-6 milionë eurosh për huazimin e senegalezit dhe 30 milionë të tjera vitin e ardhshëm, nëse vendosin të blejnë kartonin e tij, ku Interi ka të drejtën e blerjes dhe jo detyrimin.

Kjo është formula që do transferojë Keitan nën urdhrat e Spaletit, kështu që ka nisur numërimi mbrapsht për zyrtarizimin e ish-lojtarit të Lacios. Inter kërkonte 23-vjeçarin dhe gjatë kohës kur ishte pjesë e romanëve, por pa ja arritur qëllimit, ndërsa tashmë Keita është pothuajse zikaltër.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.