Bajerni shkatërron Arsenalin, Reali ka ende punë për të bërë

0

Vit i ri, histori e vjetër: Bajerni i Mynihut ka shpartalluar sot Arsenalin 5-1, në një ndeshje “Déjà vu”, sepse edhe sezonin e shkuar, në nëntor 2015, bavarezët fituan sërish 5-1, me Levandovskin dhe Robenin që dhuronin spektakël.

E njëjta gjë edhe sot, sepse Roben hapi “vallëzimin” me një gol fenomenal që në minutën e 11-të, ndërsa Arsenali barazoi përkohësisht me Sançez nga pika e bardhë në të 30-tën, por thjesht sa ngacmoi “folenvë e grerëzave”, sepse aty Bajerni e shtoi ritmin.

Në pjesën e dytë, në 25 minuta, Levandovski, Tiago Alkantara dy herë dhe Myler në fundin e takimit mbyllën gjithçka, me ndeshjen e kthimit që praktikisht bëhet pa vlerë.

Ndërkaq, Reali i Madridit ka mundur Napolin 3-1, por e nisi ters, sepse Lorenco Insinje e befasoi me një gol fantastik. Gjithsesi, kampionët e Europës përmbysën gjithçka me gola nga Benzema, Kros e Kasemiro, ky i fundit një gol fenomenal që shton shanset për kualifikim, por në Napoli nuk do të jetë një shëtitje.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image