Bajern e Dortmund dakord: Spanjollët po prishin tregun e futbollit

0

Publikimi i lajmit se Kristiano Ronaldo ka rinovuar me Realin, për 20.5 milionë euro neto në sezon, ka bërë të nisë revolta në Gjermani, me dy klubet e mëdhenj Bajern Mynih e Borusia Dortmund që i quajnë të turpshme paga të tilla.

Presidenti bavarez Karl-Hainc Rumenige shprehet: “Premier Liga angleze po na kërcënon, por nuk janë vetëm klubet angleze një problem, me pagat e çmendura që ofrojnë. Edhe Spanja po bën të njëjtën gjë dhe Reali sapo ka firmosur me Ronaldon, duke i paguar më shumë se 20 milionë euro neto në vit, që do të thotë shumë herë më tepër se futbollisti më i paguar i Bundesligës pa paguar taksat. Duket qartë modeli i biznesit që po ndjekin në Spanjë, ku duan të evitojnë largimet e yjeve drejt Anglisë dhe Florentino Perez është i fiksuar, nuk pranon t’i largohet ndonjë lojtar i rëndësishëm”.

Edhe presidenti i Dortmundit, Hans-Joakim Vacke, e mendon njësoj: “Barcelona e Reali janë problem për ne, ndërsa në Angli shkojnë kryesisht lojtarët që kërkojnë para, jo vetëm lavdi”.

SHPËRNDAJE

PËRGJIGJU

Please enter your comment!
Please enter your name here