Atletiko Madrid dhe Argjentina, Simeone zbulon dëshirat e tij

0

Xhovani Simeone është i grumbulluar me Argjentinën dhe po përgatitet për miqësoren kundër Brazilit. Klasikja e futbollit amerikano-latin do të zhvillohet të martën në orën 20:45, ndërsa sulmuesi i Fiorentinës ka folur rreth të ardhmes së tij.

23-vjeçari është prononcuar për “Fox Sports” nga grumbullimi i kombëtares, duke “trembur” Fiorentinën. Sulmuesi ëndërron të luajë me Atletiko Madrid, në ekipin që drejtohet nga Diego Simeone, i ati i Xhovanit.

Unë te Atletiko Madrid në një ekip me babain tim? Për momentin nuk ka asnjë mundësi. Babai im nuk më ka folur kurrë për këtë mundësi. Është diskutuar shumë, por fakti që flitet më jep mundësinë të vazhdoj të rritem. Do të ishte maksimumi për mua të luaja me Atletiko Madrid. Për të dy, babain tim dhe mua. Atletiko Madrid është diçka që e kemi brenda nesh.”

Xhovani me Diegon

Xhovani, i cili shënoi gol me Argjentinën që në debutim kundër Guatemalës, nuk e fsheh dëshirën për ta parë një ditë babain e tij në stolin e kombëtares ”çeleste”.

Si futbollist do të më pëlqente shumë të shihja babain tim këtu dhe kjo vlen për të gjithë argjentinasit, sepse ai është një nga trajnerët më të mirë në botë. Por, ai ma përsërit gjithmonë që nuk është momenti dhe këto nuk janë pyetje për t’u bërë. Gjyshi im më thoshte gjithmonë: ‘Një minutë me Argjentinën vlen sa një orë në një klub’. Jam shumë i lumtur që kam patur këtë mundësi dhe dua të bëj më shumë për popullin tonë”, përfundon 23-vjeçari i Fiorentinës.

 

You might also like

Leave A Reply

Your email address will not be published.