Arsenali godet bujshëm, merr një “xhevahir” nga Roma

Arsenali duket se ka goditur bujshëm edhe pse nuk jemi në kohë merkatoje. Bëhet fjalë për një goditje jashtë fushe, ku drejtori sportiv i Romës, Ramon Rodrigez Verdeho, njohur nga të gjithë si Monçi, ka gjetur marrëveshjen me topçinjtë për të kaluar në Londër.

Monçi njihet nga të gjithë për periudhën e tij të suksesshme te Sevija si drejtor sportiv, ku ka ndihmuar në zbulimin e talenteve si Hesus Navas, Diego Kapel, Alberto Moreno dhe mbi të gjithë Serxhio Ramos.
Në vitin 2016, spanjolli la Sevjan për të kaluar te Roma, të cilët paguan klauzolën e lirimit te klubi andaluzian. Të njëjtën rrugë duket se do të ndjekë dhe Arsenali, i cili sipas gjasave do të paguajë tre milionë sterlina për të marrë drejtorin sportiv.

Leave a Reply

Your email address will not be published. Required fields are marked *