Napoli mund Salcburgun me rezultatin e pastër 3 – 0 në “San Paolo”, por kualifikimi mbetet ende një çështje e hapur. Në këtë takim mbrojtësit Kulibali dhe Maksimoviç u ndëshkuan me kartontë të verdhë, çka i heq mundësinë e të luajturit nën ndeshjen në vajtje.
Sikur të mos mjaftonte mungesat e dy qendërmbrojtësve, spanjolli Raul Albion është gjithashtu i dëmtuar dhe Ançeloti do i duhet të hedhë sytë nga stoli. Në daljen për shtyp në përfundim të takimit, njëri prej gazetarëve e pyeti trajnerin italian nëse ekzistonte mundësia e zhvendosjes së Elseid Hysajt në qendër të mbrojtjes. Pyetje kjo që mori një përgjigje të prerë nga Ançeloti.
HYSAJ QENDËRMBROJTËS ? – “Nuk kam ndërmend të bëj shpike. Qendërmbrojtësit që kemi janë Çiriçes dhe Luperto.
INSINJE NË STOL ? – “Arsyeja është e thjeshtë. Isinje luajti 90 minuta kundër Juventusit dhe ishte më i lodhur se sa Milik dhe Mertens”.
NDESHJA – “Është një rezultat i mirë, por kemi dhe një ndeshje tjetër për të luajtur. Nuk na lejohet të bëjmë llogari në këto momente. I lejuam të na kapni disa herë në kundërsulm edhe pse rezultati ishte 3 – 0 dhe mund të ishim treguar më të kujdesshëm”
“Ata janë një skuadër me lojtarë të shpejtë dhe me mushkri, sot e treguan këtë gjë. Do të na duhet të shënojmë të paktën një gol në ndeshjen e kthimit, përndryshe mund të rrezikojmë. Sot skuadra pati ekuilibër, por në fazën mbrojtëse bëmë një hap pas. Jemi me fat që kemi një porteri si Meret”.