Akuzat për përdhunim, kryeministri i Portugalisë i del në krah Ronaldos

0

Kristiano Ronaldo po kalon disa dita aspak të qeta. Gjithçka nisi pas një akuze për përdhunim nga modelja amerikane Karmen Marjoga. Ngjarja ka shkaktuar jo pak zhurmë dhe klubi i Juventusit doli pak ditë më parë me një deklaratë në mbrojtje të lojtarit. Ndërsa së fundmi për këtë çështje ka reaguar dhe kryeministri i Portugalisë, Antonio Kosta.

“Njerëzit duhet ta kuptojnë njëherë e mirë se ekziston një gjë që quhet supozim i pafajsisë. Një akuzë nuk mjafton për të shpallur fajtor dikë”, tha politikani.

“Nëse ka diçka që kemi prova konkrete është që Ronaldo është një profesionist dhe sportist i jashtëzakonshëm, ai është një person që ka nderuar e ka ngritur prestigjin e Portugalisë dhe të gjithë ne shpresojmë që asgjë të mos e ndotë ato çka i ka bërë”, përfundoi kryeministri i Portugalisë.

You might also like

Leave A Reply

Your email address will not be published.