Abazaj sheh të ardhmen, nga kombëtarja te transferimi që në janar

Kristal Abazaj është sulmuesi më në formë në Superiore, sepse po shënon në kampionat e kombëtare, duke qenë ndër lojtarët më të vlerësuar në kampionat.

Pasi i shënoi dy gola Islandës në fitoren e arritur pak javë më parë në Islandë, Abazaj shpreson te i njëjti rezultat pas pak ditësh në Elbasan.

“Ndihem në formë shumë të mirë. Mungesa e Dyrmishajt është humbje e madhe, por kemi shumë lojtarë të aftë që mund të zëvendësojnë. Nuk ka rëndësi se ku do të luaj. E rëndësishme është të jem në fushë dhe të jap më të mirën. Krahu ku unë luaj është i djathti, por edhe në qendër nuk e kam problem. Jam i bindur që do të bëjmë një lojë shumë të mirë. Islanda është ekip i fortë dhe mbështetja e tifozëve është thelbësore. Besoj se do të marrim një rezultat të mirë. Islanda është ekip i fortë, madje më i fortë se ne, por sidoqoftë ne arritëm të merrnin një fitore shumë të rëndësishme në takimin e parë dhe besoj se sërish do të dimë të marrin një rezultat pozitiv.”

KOMBËTARJA – “Kombëtaren A do ta arrij me punë dhe sakrificë. Te jem pjesë e tyre është një ëndërr për mua, që besoj se do ta realizoj me atë çka do të jap. Tifozëve u them që të vinë të na mbështesin, pasi është shumë e rëndësishme për ne. Me ta jemi akoma edhe më të fortë.”

OFERTAT – “Kam pasur oferta të ndryshme, por që nga ana financiare nuk kanë qenë të kënaqshme. Në janar do të ulem dhe do të bisedoj për të ardhmen.”

Leave a Reply

Your email address will not be published. Required fields are marked *