Eden Hazard po shijon një moment shumë të mirë në fushën e blertë, ndërsa e ardhmja e tij është në pikëpyetje. Belgu i Çelsit kërkohet nga Reali i Madridit, me vetë lojtarin që dëshiron të luajë në “Santiago Bernabeu”.
“Blutë e Londrës” janë kundër largimit të yllit të skuadrës dhe të gjithë po bëjnë maksimumin për ta bindur lojtarin të qëndrojë. Gjatë ndeshjes kundër Mançester Junajtid në stadium u hap një banderolë e madhe në nderim të Eden Hazard. Siç citon “The Sun”, kjo ka qenë ideja e një tifozi, i cili ka shpenzuar 7 mijë sterlina për realizimin e saj.
Tifozi i Çelsit nuk ka dashur të zbulojë identitetin, ndërsa qëllimi i tij i vetëm është qëndrimi i Hazard në ekip. Tifozët nuk bien dakord me largimin e tij dhe po bëjnë maksimumin për t’i ndryshuar mendjen lojtarit. Dashuri, pasion, respekt dhe një faturë e kripur financiare, por tifozët as që duan t’ia dinë. Nëse lojtari ëndërron të luajë me Realin e Madridit, tifozët ëndërrojnë të shohin sa më gjatë në “Stamford Bridge”.
Eden Hazard Banner, the guy who payed £7,000 for this deserves to meet Eden Himself.
Should’ve won today, but I’ll take a draw over nothing. pic.twitter.com/yELKIlpKWp
— Pys (@CFCPys) October 20, 2018