Sa vijnë e shtohen opinionet nga futbollistë e ish-futbollistë, apo trajnerë të njohur në Shqipëri, që japin mendimin e vet në lidhje me zgjedhjet e ardhshme për kreun e FSHF-së. Pro apo kundër njërit apo tjetrit kandidat, secili ka mendimin e vet dhe secili mundohet të argumentojë pse del në krah të secilit kandidat, apo thjesht kundër njërit prej tyre.
Ish-futbollisti i njohur i viteve ’90-2000, Justin Bespalla, ka postuar në faqen e vet në Facebook opinionin e vet në lidhje me zgjedhjet, duke dalë hapur kundër Bashkim Finos, i cili sipas Bespallës nuk bën gjë tjetër ve?çse ndërthur keqas politikën me sportin dhe kjo është e palejueshme.
“Do i kushtoj disa rreshta dhe mendime zgjedhjeve në FSHF, ku garon një figurë e suksesshme si Presidenti Duka dhe një politikan i shumanshëm si Bashkim Fino. Respekti për Finon është i konsiderueshëm si tifoz i zjarrte i Partizanit, por një gjë s’e kuptojnë këta politikanët që janë të gjithanshëm siç është edhe Fino. A nuk e kuptojnë këta dhe sidomos Fino se politika duhet të qëndrojë larg përgjithmonë nga sporti? Një dështim i tillë ka ndodhur disa vite me parë, ku politika dështoi me sukses para FSHF-së, ndërsa tani do të jete dështimi i radhës, dhe e dini pse? Sepse duam apo nuk duam, FSHF dhe presidenti Duka janë triumfues në këto 10-15 vite ku futbolli shqiptar ka kapur majat në historinë shekullore të shqiptarëve, dhe këtu nuk paska vlera, merita dhe sukses Presidenti Duka?! Fushat e futbollit para 15 vitesh ishin si ara të mbjella me patate dhe u zëvendësuan me ndërtime pallatesh dhe ambiente te tjera, sot ka fusha dhe stadiume me parametra ndërkombëtare, e këtu nuk paska meritë Duka?! Në katrahurën e trajnerëve dhe arbitrave të korruptuar ka qenë skandal, po të mos paguanin futbollistët nuk luanin ne formacion, e këtë situatë që FSHF e ka përmbysur 100% në favor te futbollit, edhe këtu nuk ka merita Duka? FSHF, sipas Uefa-s dhe FiFa-s, është një nga federatat më të suksesshme këto vitet e fundit dhe për këtë nuk paska meritë Duka? E ka kthyer ekipin Kombëtar në një ekip model nga të gjitha anët, por sidomos nga paraqitja e jashtme që na ka munguar vitet më përpara dhe këtu nuk paska merite Duka? Këto dhe shumë të tjera, e bëjnë Duken fitimtar te padiskutueshëm dhe një mësim të madh politikës dhe Finos që të mos i afrohet kurrë qeverisë së futbollit, sepse do ta qelbin ashtu siç kanë bërë me politikën. Urimet më të mira për ju Presidenti Duka, se keni mbështetjen e të gjithë sportistëve të vjetër dhe të rinj, se vetëm ne e dimë si ka qene sporti më përpara dhe se si është bërë tani. Suksese dhe vetëm suksese!”.